Elordadaǵy úleskerlerdi qoldaý ortalyǵyna 150-deı adam barǵan
Astanada Úleskerlerdi qoldaý ortalyǵy tamyz aıynan bastap jumys isteıdi. Azamattardy prokýratýra, qalalyq ІІD, Memlekettik kirister departamenti, Ádilet departamenti, sáýlet-qurylys baqylaý jáne jer qatynastary basqarmasynyń ókilderi qabyldaıdy.
Bul oraıda «Almaty» aýdanynyń prokýrory Birlik Birimqul ortalyqtyń mamandary qandaı túsindirý jumystaryn júrgizetinin aıtyp berdi.
«Ortalyqtyń qyzmetkerleri ótinishterdi qabyldap, oǵan jedel túrde jaýap berip, qajet bolsa áreket etedi. Azamattarǵa nysandardyń qurylysy jóninde, sondaı-aq turǵyn-úı qurylysynda úleskerlikpen salý salasynda qylmystyq isterdiń qarastyrylýy týraly aqparat beredi», - deıdi prokýror.
Birlik Birimkul atap ótkendeı, Astana qalalyq Іshki ister departamenti janyndaǵy organ qylmystyq-protsessýaldy zańnamanyń normalaryn túsindiredi, qylmystyq isterdiń qaı kezeńde ekenin aıtady.
Aıta keteıik, qysqa merzimge qarastan ortalyq jumysynyń oń nátıjesi bar.
«Ortalyq ashylǵannan bastap biz 140 úleskerdi qabyldadyq, olarǵa turǵyn-úı, azamattyq jáne qylmystyq zańnamanyń normalary túsindirildi», - dedi Birlik Birimkul.
Esterińizge sala keteıik, qazirgi ýaqytta úleskerlerdi qoldaý ortalyǵy «Saryarqa» aýdanynda Halyqqa qyzmet kórsetý ortalyǵynda ornalasqan. Ortalyq aptasyna 3 kún: dúısenbi, sársenbi jáne juma kúnderi saǵat 09.00-den 12.00-ge deıin jumys isteıdi. Ótinishter kóbeıse ortalyq adamdardy qabyldaý ýaqytyn saǵat 18.00-ge deıin uzartý josparlanýda.
