Elordadaǵy turǵyn úılerge órtke qarsy datchıkter ornatyldy
«2020 jyldyń qyrkúıek jáne qarasha aılarynda qalanyń azamattyq qorǵaý qyzmetteriniń qysqy kezeńge daıyndyǵy máselesi boıynsha qalalyq Tótenshe jaǵdaılar komıssııasynyń otyrystary ótkizildi, onyń barysynda negizgi máseleler kórsetilip, jaýapty tulǵalarǵa tıisti tapsyrmalar berildi. Qutqarýshylar qysqy kezeńde qaıǵyly jaǵdaıǵa jol bermeý ári muzdaǵy qaýipsizdik boıynsha túsindirý jumystaryn belsendi júrgizýde. Karantındik is-sharalardy eskere otyryp, departament qyzmetkerleri ZOOM rejıminde beınekonferents baılanys arqyly 3 500-den astam oqýshyny qamtı otyryp, 35 sabaq ótkizdi», - dedi B. Beıseqanov onlaın brıfıngide.
Onyń aıtýynsha, ańshylyq dúkender men balyq aýlaý oryndarynda 1000-nan astam jadynamalar men býkletter taratylyp, 30 reıd júrgizildi.
«Jylý berý kezeńinde qaıǵyly jaǵdaıdyń aldyn alý maqsatynda departament qyzmetkerleri 41 myńnan adamdy qamtı otyryp, 28 300 úıdi aralap shyqty. Halyqtyń áleýmettik osal toptarynan 3 381 adamnyń úılerin qaıta qarap shyǵý arqyly 29 840-tan astam jadynama taratyldy. Halyqtyń áleýmettik osal toptaryndaǵy 1 543 úıde 928 datchık ornatyldy. 2019-2020 jyldaǵy qys merziminde osy datchıkterdiń kómegimen bes azamattyń ómirin saqtap qalýǵa múmkin boldy. Al qazan aıynan bastalǵan jylytý maýsymynda Baıqońyr aýdanynda taǵy bir otbasy ornatylǵan datchıkter kómegimen qutqaryldy», - dedi departament ókili.