Elordadaǵy turǵyn úılerge qashan sý jetkilikti mólsherde beriledi – Jeńis Qasymbektiń jaýaby
«Maýsym aıynan bastap biz jańa aýyz sý stantsııasyn (SSS-3) kezeń-kezeńimen qoldanysqa bere bastaımyz. Aldymen iske qosý ári jóndeý jumysy júrgizilip, júıeni tekseremiz, sodan keıin kúnine 35 myń tekshe metr sý beremiz. Tamyz aıynda kúnine 105 myń tekshe metr sý beretin mólsherde iske qosýdy josparlap otyrmyz. Bul qaladaǵy sýmen jabdyqtaý máselesin tolyǵymen sheshýge múmkindik beredi», - dep jazdy shahar basshysy óziniń Іnstagram paraqshasynda.
Munymen qatar, Jeńis Qasymbek aldaǵy jylytý maýsymyna qatysty máselelerge toqtaldy. Onyń dereginshe, qala aýmaǵynda salynyp jatqan turǵyn úıler men áleýmettik nysandar sany artyp keledi. Munyń barlyǵy tirshilikti qamtamasyz etý júıesiniń nysandaryna úlken kúsh túsiredi.
«Atalmysh máseleni sheshý úshin osyǵan deıin eki gaz jylytý stantsııasynyń («Turan», «Ońtústik-Shyǵys») qurylysy bastalǵan bolatyn. Sondaı-aq, JEO-3 boıynsha da jumys júrip jatyr. Ol qurylysy uzaqqa sozylǵan nysanǵa aınaldy. Osy nysandardyń qurylysyn aıaqtap, 2023-2024 jylytý maýsymyna olardyń qýatyn eskere otyryp, iske qosýdy mindettedim. Merdigerler jaýapkershilikti tolyqtaı bilýi kerek», - dep málim etti Jeńis Qasymbek.
