Elordadaǵy turǵyn úıdiń 20-shy qabatynan órt shyqty
NUR-SULTAN. QazAqparat – Elordadaǵy bıik úıdiń 20-shy qabatynan órt shyqty, dep habarlaıdy QazAqparat.
Órt oqıǵasy 23 qabatty «Senator» turǵyn úı kesheninde boldy.
«12 maýsymda saǵat 07:44-te Nur-Sultan qalasynyń Almaty aýdanynda ornalasqan úıdiń 20-shy qabatynda bes sharshy metr aýmaqty órt sharpydy. Úıdegi muzdatqysh kamerasy, terezeniń jaqtaýy, balkonda jatqan zattar órtengen», - delingen QR ІІM TJK taratqan habarlamada.
Qazirgi boljam boıynsha, órttiń shyǵýyna muzdatqyshtyń qysqa tuıyqtalýy sebep bolǵan. Órt saǵat 08:15-te tolyq sóndirildi. Oqys oqıǵadan eshkim zardap shekpedi. Turǵyndar úıden tysqa ózderi shyqty. Tilsiz jaýmen kúreske Nur-Sultan qalasy TJD-niń 25 adamy men 5 tehnıkasy jumyldyryldy.
