Elordadaǵy «Turan» kóshesi jartylaı jabylady
NUR-SULTAN. QazAqparat - Nur-Sultan qalasynyń Kólik jáne jol-kólik ınfraqurylymyn damytý basqarmasy «Turan» dańǵylynan Sh.Beısekova kóshesine deıingi ýchaskedegi №27 kósheniń qurylysy bastalǵanyn málim etti. Atalǵan jumys jol qozǵalysy qaýipsizdigin qamtamasyz etý maqsatynda PD ákimshilik polıtsııa basqarmasynyń kelisimimen júrgiziledi, dep habarlaıdy qala ákimdiginiń resmı saıty.
Bıyl 14 maýsym men 5 shilde aralyǵynda Turan dańǵyly men Uly Dala kóshesiniń qıylysynda avtokólik qozǵalysy jartylaı jabylatyn bolady. Atalǵan ýchaskede jol qıylysyn jóndeý jumystary júrgiziletin bolady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy suraımyz», — dep jazdy Nur-Sultan qalasynyń Kólik jáne jol-kólik ınfraqurylymyn damytý basqarmasy.
