Elordadaǵy «Taza juma» aktsııasyna 27 myńnan asa adam qatysty
ASTANA. QazAqparat - Búgin elordanyń barlyq aýdandarynda «Taza juma» aktsııasy uıymdastyrylyp, oǵan túrli uıymdardyń eńbek ujymdary, mektepke deıingi bilim berý mekemeleriniń, áleýmettik nysandardyń, bazarlardyń, bıznes qurylymdardyń, saýda-oıyn saýyq ortalyqtarynyń, joǵary oqý oryndarynyń qyzmetkerleri qatysty, dep habarlaıdy Astana ákimdiginiń baspasóz qyzmeti.
Olar aýmaqty turmystyq qoqystardan tazartý, ǵımarattardyń qasbetterin árlep, aýlalardy abattandyryp, aǵashtar otyrǵyzdy.
Mysaly, «Saryarqa» aýdany boıynsha sharaǵa 34 mektep pen 36 balabaqsha, shaǵyn jáne orta bıznestiń 50 nysanynyń ókilder qatysty.
«Esil» aýdanynyń aýmaǵynda 168 kásiporyn men uıym, atap aıtqanda, mektepter, joǵary oqý oryndary, balabaqshalar, shaǵyn jáne orta bıznes sýbektileri, páter ıeleri kooperatıvteriniń ókilderi qatysýda.
«Almaty» aýdany boıynsha aktsııaǵa 50 mektep pen 45 balabaqsha, 78 shaǵyn jáne orta bıznes obektisi atsalysty.
Jalpy, 276 tehnıka, sonyń ishinde, 142 júk jáne 134 júk tıegish kólik tartyldy. Qalalyq polıgonǵa 139 tonnadan asa qoqys shyǵaryldy.
Sondaı-aq, 126 aýla sanıtarlyq tazalaýdan ótti.
Nátıjesinde, «Taza juma» aktsııasynyń alǵashqy kúni 27 myńnan asa adam qatysty.
