Elordadaǵy Syǵanaq kóshesi 30 qarashaǵa deıin jabylady
ASTANA. QazAqparat - Elordadaǵy Syǵanaq kóshesiniń oń jaq bóligi 30 qarashaǵa deıin jabylady, dep habarlaıdy City Transportation Systems kompanııasynyń baspasóz qyzmeti.
«Qurmetti elorda turǵyndary men qonaqtary!
Qazirgi ýaqytta LRT jelisiniń jobasyn iske asyrý sheńberinde Syǵanaq kóshesiniń boıynda Saýran kóshesi men Aqmeshit kóshesiniń qıylystarynda monolıtti temirbeton balkalaryn ornatý jumystary júrgizilip jatyr.Osyǵan baılanysty, 25 tamyzdan bastap Syǵanaq kóshesiniń boıymen, Qabanbaı batyr dańǵylynan Túrkistan kóshesine deıingi (ońtústik jaǵy) qozǵalys tolyǵymen toqtatylady jáne Syǵanaq kóshesiniń boıymen Túrkistan kóshesinen Qabanbaı batyr dańǵylyna deıingi ýchaskede (soltústik jaǵy) qozǵalysqa ishinara shekteý (eki jolaq) engiziledi.
Shekteý merzimi 30 qarashaǵa deıin.
Kórsetilgen shekteýler boıynsha osy ýchaskede ótetin qoǵamdyq kólik qozǵalysynda ózgerister bolmaıdy» dep jazylǵan LRT qurylysynyń barysy týraly jańalyqtar paraqshasynda.
