Elordadaǵy sýpermarkettiń birinde pyshaq ustaǵan áıel jurtty shoshytty
NUR-SULTAN. QazAqparat – Elordadaǵy sýpermarkettiń birinde pyshaq ustaǵan áıel jurtty shoshytqan, dep habarlaıdy QazAqparat tilshisi Nur-Sultan qalasy polıtsııa departamentiniń baspasóz qyzmetine silteme jasap.
«10 shilde kúni saǵat 18:00-de Samal shaǵyn aýdanyndaǵy saýda úıinde belgisiz áıel qolyna pyshaq ustap, kelýshiler men qyzmetkerlerge bylapyt sózder aıtqan jáne azyq-túlikterdi shashyp, sórelerdi qıratqan», - dep atap ótti vedomstvodan.
Oqıǵa ornyna kelgen polıtsııa qyzmetkerleri bul faktini rastady. 1990 jylǵy sottalǵan áıel ustalý kezinde polıtseılerge qarsylyq kórsetken. Ol polıtsııa basqarmasyna jetkizildi, qazirgi tańda tekserý júrip jatyr.
Avtory: Serik Sabekov
