Elordadaǵy sýpermarketterdiń birinde satýshysy joq kassa ashyldy

NUR-SULTAN. QazAqparat - «Adaldyq alańy» jobasy sheńberinde elordadaǵy sýpermarkette satýshysyz kassa jumys isteı bastady. Bul týraly qalalyq Sybaılas jemqorlyqqa qarsy is-qımyl departamentinen málim etti, dep habarlaıdy QazAqparat.

Elordalyq kásipkerler «Adaldyq alańy» jobasynyń bastamasyna qoldaý bildirip, «Magnum» sýpermarketter jelisiniń birinde satýshysyz kassa ashyldy.

Jobanyń maqsaty – halyq arasynda senim men ádeptilik atmosferasyn nyǵaıtý jáne klıenttermen jumys kezinde kedergisiz jaǵdaılar jasaý.

Uıymdastyrýshylardyń aıtýynsha, klıent tólemdi satýshynyń nemese keńesshiniń kómeginsiz termınal arqyly óz betimen jasaıdy.

«Álemdik tájirıbede, iri saýda sýpermarketteri ózine-ózi qyzmet kórsetý qaǵıdasy boıynsha self-chekaýt (Self-Checkout) tehnologııasyn qoldanady. Bul bastama qoǵamda jemqorlyqqa qarsy mádenıetti qalyptastyrýǵa jáne sybaılas jemqorlyqqa qarsy is-qımyl vedomstvosynyń negizgi baǵyty bolyp tabylatyn parasattylyq, adaldyq jáne ádildik qundylyqtaryn nasıhattaýǵa múmkindik beredi», - delingen taratylǵan habarlamada.

Esterińizge sala keteıik, osyndaı kassa buǵan deıin Almaty qalasynda da ashylǵan bolatyn. Aldaǵy ýaqytta kassalar sanyn ulǵaıtý josparlanýda.