«Bıyl elordada sýburqaqtar 1 mamyrda iske qosylady. Qazir aýdandyq ákimdikter fontan keshenderin qalpyna keltirý jáne jóndeý jumystaryn júrgizip jatyr. Baıqońyr aýdany ákimi apparatynyń teńgeriminde eki sýburqaq nysany bar: Respýblıka dańǵyly 34-te (»Jastar« saraıy) – 3 jáne Respýblıka dańǵyly 6-da (»Esil« SÚ) - 1 birlik. Aǵymdaǵy jyly aýdan ákimdigi olardy qaıta jańartýdy josparlamaıdy», - delingen habarlamada.

Saryarqa aýdanynda barlyq sýburqaqtar ákimdik qaramaǵynda emes. 10 nysannyń bireýi Nur-Sultan qalasynyń qorshaǵan ortany qorǵaý jáne tabıǵatty paıdalaný basqarmasynyń teńgeriminde. Bul rette sýburqaqtardyń kaskady bıyl ákimdiktiń balansyna beriledi.

Aýdanda «Ómir aǵashy»,«Sırenevyı» fonıany, Abaı/Jeltoqsan, «Aqjaıyq», «Atyraý», «Jastar teatry», Máskeý kóshesindegi skverdegi, «Aınalmaly dop», Álııa Moladǵulova eskertkishindegi sýburqaqtar ornalasqan.

«Almaty aýdanynda da sýburqaqtar iske qosylyp, qaıta qalpyna keltirilip jatyr. Aýdan ákimdiginiń balansynda 9 sýburqaq pen sýburqaq kesheni bar. Olar – «Prezıdenttik saıabaq«, «Qazaq Eli«, «Áziret Sultan«, Otan qorǵaýshylar alańyndaǵy sýburqaq keshenderi, Táýelsizdik Saraıy janyndaǵy, «Beıbitshilik jáne kelisim« saraıynyń janyndaǵy sýburqaqtar keshender. Sonymen qatar B.Momyshuly dańǵylyndaǵy Oqýshylar saraıyndaǵy fontan, B.Momyshuly eskertkishi janyndaǵy skverde ornalasqan sýburqaq jáne Stýdentter saıabaǵyndaǵy «Aq bulaq« sýburqaǵy», - dep jazdy vedomstvodan.

Sýburqaqtar sany boıynsha absolıýtti rekordshy - Esil aýdany. Aýdanda barlyǵy 27 sýburqaq kesheni bar, oǵan 46 sýburqaq kiredi. Onyń ekeýi tolyq qaıta qurýdy qajet etedi, olar – Dıplomatııalyq qalashyqtaǵy sharshy sýburqaq pen fontan.