Elordadaǵy sý tasqynyna qarsy jaǵdaı tolyq baqylaýǵa alynǵan - ákimdik
NUR-SULTAN. QazAqparat - Elordadaǵy sý tasqynyna qarsy jaǵdaı tolyq baqylaýǵa alynǵan, dep habarlaıdy QazAqparat ákimdik saıtyna silteme.
Sý tasqynymen kúresý úshin «Astana-Tazalyq» JShS Maıbalyq kólinen «Nura-Esil» kanalyna deıingi arnany tazartty. Ilınkadaǵy Kishi Taldykólge quıatyn qubyrlar men bógetter tekserilip shyqty. Osy mańdaǵy uzyndyǵy 200 metr bóget pen Aýǵan oramy aýdanyndaǵy uzyndyǵy 600 metr bóget nyǵaıtyldy.
Sonymen qatar, «QazAvtoJol» kompanııasynyń qyzmetkerleri ońtústik-batys aınalma jolynyń qurylysy tusyndaǵy Esil sýynyń erkin ótýine múmkindik jasady. «Gazmashapparatýra», Kenesary kóshesindegi kópir tusyndaǵy ótkizý qubyrlary muzdan tazartyldy (býlaý), shlıýzder ashyldy. Sý tasqynyna qarsy is-sharalardyń biri - qar tazalaý. Osy maýsymda 2 985 myń tekshe metr qar shyǵaryldy. Búgingi kúni qar shyǵarý jumystary aıaqtaldy.
Qazirgi ýaqytta sý tasqynyna qarsy is-sharalar aıasynda qalalyq garnızonynyń kúshimen qala kóshelerinen erigen sýdy sorǵyzý júrgizilýde.
