Elordadaǵy sý qubyrynyń jarylý sebebi anyqtaldy
NUR-SULTAN. QazAqparat - Elordanyń sol jaǵalaýynda 2 turǵyn úıdi sýsyz qaldyrǵan qubyr jóndeldi, dep habarlaıdy QazAqparat tilshisi.
Buǵan deıin «Astana sý arnasy» kásiporny keshe keshki saǵat 17-20-da Bókeıhan kóshesi boıynda qubyrdan sý aǵyp jatqany týraly aqparat túskenin habarlaǵan bolatyn.
Oqıǵa ornyna jedel attanǵan brıgadanyń tekserýi barysynda Uni Capital seriktestiginiń «Astana sý arnasymen» kelispeı jumys istegendigi jáne dıametri 500 mm-lik qubyrdyń zaqymdanǵany anyqtalǵan. Sonyń saldarynan Bókeıhan kóshesi 8, 10 úılerge aýyz sý berý toqtatylyp, sý jetkizý uıymdastyrylǵan edi.
IKomek qyzmeti qazirgi ýaqytta jóndeý-qalpyna keltirý jumystarynyń tolyqtaı aıaqtalǵandyǵyn habarlady.
«Sembol kompanııasynyń sýbmerdigeri Uni Capital seriktestigi Bókeıhan kóshesiniń boıynda jańa sý qubyryn tósep jatyp, dıametri 500 mm-lik magıstraldy jelini zaqymdaǵan. Jumys barysynda temirbetondy taqta sý qubyrynyń ústine qulaǵan», - dep túsindiredi «Astana sý arnasy» qubyrdyń jarylý sebebin.
