Elordadaǵy «SQ-Farmatsııanyń» logıstıkalyq habyndaǵy dári-dármek qory tekserildi
Atalǵan kompanııa málimetinshe, Nur-Sultan qalasynda biryńǵaı dıstrıbıýter arqyly elimizdiń 85 medıtsınalyq uıymy qajetti dárilik zattarmen qamtamasyz etiledi. Olardyń beseýi respýblıkalyq jáne jáne 80-i qalalyq mańyzy bar medıtsınalyq uıym sanalady. Medıtsınalyq uıymdardyń meken jaıyna taýarlardy jóneltý elordadaǵy taratý qoımasynan júzege asyrylady.
Elordadaǵy logıstıkalyq hab SQO, Pavlodar, Aqmola, Qaraǵandy, Qostanaı oblystary men Nur-Sultan qalasynyń 2-6 aılyq qajettiligine qajetti taýarlardy jetkizýshiden qabyl alyp, saqtaýǵa arnalǵan.
Bıyl joǵaryda atalǵan 85 tapsyrys berýshimen qosymsha ótinimderdi qosa alǵanda jalpy somasy 16,77 mlrd teńge bolatyn dárilik zattar men medıtsınalyq buıymdardy jetkizýge arnalǵan 915 satyp alý kelisimsharty jasalǵan. Qazirgi ýaqytta biryńǵaı dıstrıbıýter josparlanǵan 16,77 mlrd teńgeniń 15,64 mlrd teńgesine taýlarlardy jóneltip otyr. Buǵan qosa, koronavırýs ınfektsııasymen aýyrǵan naýqastardy emdeýge arnalǵan 2,4 mlrd teńgeniń dárilik zattarymen medıtsınalyq buıymdary óńirlerge jiberildi.
Ambýlatorlyq deńgeıde 38 medıtsınalyq uıym bıyl jalpy somasy 13,7 mlrd teńge bolatyn dárilik zattar men medıtsınalyq buıymdardy satyp alýǵa ótinim berip otyr.
Qazirgi ýaqytta atalǵan kólemniń 10,94 mlrd teńgesin saı keletin dárilik zattar men medıtsnalyq buıymdar óńirlerge jiberildi.
