Elordadaǵy «Shapaǵat» bazarynda bolǵan órt sóndirildi
NUR-SULTAN. QazAqparat - Nur-Sultan qalasyndaǵy «Shapaǵat» bazarynda bolǵan órt sóndirildi, dep habarlaıdy QazAqparat qalalyq Tótenshe jaǵdaılar departamentiniń baspasóz qyzmetine silteme jasap.
«2 sáýir kúni saǵat 22:30-da Nur-Sultan qalasy TJD órt sóndirý bólimsheleri Saryarqa aýdany Bógenbaı batyr dańǵyly 69 mekenjaıynda ornalasqan Shapaǵat bazaryna shaqyrtýdyń joǵary nómiri boıynsha shyqty. Órt sóndirýshilerdiń kelisimen aldyn ala boljam boıynsha 50 sh.m aýmaqta keramogranıt astyndaǵy jylytqysh pen jabyny órtenip jatqany anyqtaldy. Ǵımarat ishinde órt oryn alǵan joq» delingen habarlamada.
Málimetke saı, zardap shekkender men qaza bolǵandar joq. Órt ornynda órt sóndirý jedel shtaby quryldy. Órt ornynda Nur-Sultan qalalyq TJD-dan 8 tehnıka men jeke quramnyń 32 adamy jumyldyryldy.
Órt saǵat 23:05-te aýyzdyqtaldy.
