Elordadaǵy «Shabyt» ýnıversıteti órtendi
NUR-SULTAN. QazAqparat- Elordadaǵy «Shabyt» ýnıversıtetiniń birinshi qabaty órtendi, dep habarlaıdy QazAqparat QR Tótenshe jaǵdaılar komıtetine silteme jasap.
«1 shilde kúni keshki saǵat 20:36-da TJD-nyń «101» pýltine Táýelsizdik dańǵylynda ornalasqan «Shabyt» ýnıversıtetiniń órtenip jatqandyǵy týraly habar kelip tústi. Órt ýnıversıtettiń 1 qabatyndaǵy kabınetterdiń birinen shyqqan. Jalyn saǵat 20:57-te aýyzdyqtalyp, saǵat 21:03-te tolyq sóndirildi», - dedi QR Tótenshe jaǵdaılar komıtetiniń resmı ókili Nursultan Nurahmetov.
Órtten zardap shekkender joq.
«Órttiń shyǵý sebebi anyqtalý ústinde. Tilsiz jaýdy aýyzdyqtaýǵa jeke quramnan 20 adam jáne qalalyq TJD-nyń 5 órt sóndirý tehnıkasy jumyldyryldy», - dedi ol.
