Elordadaǵy «Sergekter» 57 myńǵa jýyq jol erejesin buzý deregin tirkedi

Nur-Sultan qalasy polıtsııa departamentiniń apattyq taldaýyna sáıkes, 2022 jyldyń basynan beri 162 JKO oryn alǵan, onda 3 adam qaza taýyp, 175 adam jaraqat aldy. Júrgizýshiler jasaǵan buzýshylyqtardyń jalpy sany 31 myńnan asady.

«Búgingi tańda elorda aýmaǵynda 6 myńnan astam kamera ornatylyp, 56 myń 724 jol qozǵalysy erejesin buzý faktisi tirkeldi. Olardyń deni jyldamdyq rejımin arttyrǵan men belgilenbegen jerde toqtap turǵan. Sonymen qatar, Tsıfrlandyrý basqarmasy 26 ýchaskede ornatylǵan retteletin jaıaý júrginshiler ótkeliniń tyıym salý sıgnalyna ótýin «Sergek» kameralarymen tirkeý fýnktsııasyn ázirledi. Sondaı-aq, «Astana turaq keńistigi» kompanııasymen birlesip, turaq erejelerin buzý faktilerin, onyń ishinde ekinshi qatarda jáne qoǵamdyq kólik aıaldamalarynda tirkeý boıynsha pılottyq joba iske asýda», - dep jazylǵan habarlamada.

Onda júrgizýshiler nazaryn aýdarý jáne avtokólikterdiń jyldamdyǵyn májbúrlep tómendetý úshin 23 ýchaskede kóterińki jaıaý júrginshiler ótkeli jabdyqtalǵany týraly málimet bar. Sonymen qatar, ótken jyldan beri rettelmeıtin jaıaý júrginshiler ótkelderiniń aldyna 267 jasandy jol budyrlary salyndy. Atalǵan ýchaskelerde jol-kólik oqıǵalarynyń sany eki esege tómendegeni baıqaldy.