Elordadaǵy senbilikte qala kóshelerinde 2700 kóshet otyrǵyzylady
ASTANA. QazAqparat - Búgin Astanada qalany sanıtarlyq tazartý, abattandyrý men kógaldandyrý boıynsha kóktemgi ekologııalyq aılyq bastaldy, al 19 sáýirde «Biz taza qalany qoldaımyz» jalpy qalalyq senbiligi ótedi.
Bul týraly astana.kz saıtyna elorda ákimi apparatynyń baspasóz qyzmetinen habarlady.
Ekologııalyq aılyq sheńberinde qala aýmaǵyn sanıtarlyq tazartý; kósheler, trotýarlar jáne oramishilik aýmaqtardy jınaý jumystary; Esil ózenin, Aqbulaq jylǵasyn, Sarybulaq jylǵasyn qoqystan jáne basqa da turmystyq qaldyqtardan tazartý; nóserlik jáne aryq-naýaly káriz júıelerin tazartýdy júrgizý; saıabaqtar men shaǵyn baqtardaǵy jasyl jelekterge kútý boıynsha maýsymdyq agrotehnıkalyq jumystardy, kógal alańdar men gúlzarlar aýdanyn jaılastyrý boıynsha is-sharalardy ótkizý; qar erigen soń qar úıindilerdiń aýmaqtaryn sanıtarlyq tazartý jáne qalpyna keltirýdi qamtamasyz etý jáne t.b. josparlanǵan. Ekologııalyq aılyq 7 mamyrǵa deıin jalǵasady.
19 sáýirde jyl saıynǵy jalpyqalalyq senbilik ótedi. Oǵan shamamen 93000 adam, 8500 kásiporyn jáne uıym, 170 oqý oryndary, 360 PIK qatysýy josparlanǵan, 450 jýyq tehnıka tartylmaq.
Budan basqa, bıyl senbilikte 2 700 kóshet otyrǵyzylady. Sonyń ishinde, Almaty aýdanynda 1 000 (Qaldaıaqov kóshesi jáne 46-kóshe), Esil aýdanynda 1 500 (Turan dańǵylynan bastap Eńbekshiler kóshesine deıin Jánibek pen Kereı handar kóshesi) jáne Saryarqa aýdanynda 200 aǵash (Tilendıev kóshesi) otyrǵyzylady.
