Elordadaǵy Saýran kóshesi eki aptaǵa ishinara jabyldy
NUR-SULTAN. QazAqparat - Nur-Sultan qalasynyń Kólik jáne jol-kólik ınfraqurylymyn damytý basqarmasy Saýran kóshesinde jol jóndeý jumystary bastalǵanyn málim etti, dep habarlaıdy elorda ákimdiginiń resmı saıty.
Osyǵan baılanysty, 6-20 tamyz aralyǵynda Syǵanaq kóshesinen Kereı-Jánibek handar kóshesine deıingi aralyqta kólik qozǵalysy ishinara jabylatyn bolady.
«Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim ótinemiz jáne jóndeý jumystarynyń júrgizilýine túsinistikpen qaraýdy suraımyz», – delingen vedomstvo habarlamasynda.
