Elordadaǵy Saryarqa aýdany jumysshy jastarynyń 1-shi forýmy ótti
ANA. Qazannyń 27-si. QazAqparat /Marlan Jıembaı/ - Búgin joǵary oqý oryndaryn bitirip, eńbekke aralasqan elordanyń Saryarqa aýdany jumysshy jastarynyń 1-shi forýmy ótti,
dep habarlaıdy QazAqparat.
El ekonomıkasynyń qarqyndy damýyna óz úlesin qosatyn jastardyń áleýmettik-ekonomıkalyq máselelerin sheshý qazirgi ýaqytta asa jaýapkershilikti talap etedi. Bul turǵyda jastardy áleýetterin júıeli damytýǵa yqpal etetin túrli is-sharalarǵa kóbirek tartý mańyzdy. Osyǵan oraı, «Nur Otan» HDP Saryarqa aýdandyq fılıaly eńbek qatynastary aıasyndaǵy negizgi máselelerdi anyqtaýǵa jáne olardy sheshýge baǵyttalǵan usynystardy daıyndaý maqsatynda jumysshy jastar forýmyna bastamashy bolyp otyr.
Atalǵan sharaǵa Saryarqa aýdanynyń ákimi Sábıla Mustafına, «Nur Otan» HDP Saryarqa aýdandyq fılıaly tóraǵasynyń birinshi orynbasary Muhtar Erketaev qatysyp, sóz sóıledi.
Óz kezeginde S.Mustafına keshe Astanadaǵy Beıbitshilik jáne kelisim saraıynda ótken Qazaqstan halqy Assambleıasynyń HV sessııasynda Memleket basshysy Nursultan Nazarbaevtyń «Ulttyq birlik - bizdiń strategııalyq tańdaýymyz» degen taqyrypta baıandama jasaǵanyn jáne onyń mańyzdylyǵy tóńireginde áńgime qozǵap, qatysýshylarǵa atalǵan baıandama mátinimen tanysýǵa keńes berdi.
