Elordadaǵy «saqaldy» qurylystardyń biri qaıta jandandy

Nur-Sultan qalasynyń ákimi Altaı Kólginovtiń aıtýynsha, «Jaǵalaý-4« tobynyń qurylysy qaıta jandandy. «Jumystardy aıaqtaýǵa memleketten qarajat bólindi. Qurylys sońǵy tórt jylda toqtap turǵan, sebebi sot protsesteri boldy. Nysanda qurylysshylardyń birinshi toby jumys jasap jatyr. Munda 600-den astam úlesker bar», - dep jazdy A. Kólginov Instagramdaǵy paraqshasynda. Sonymen qatar, qala ákimi tańerteńgilik aralaý barysynda birqatar áleýmettik turǵyn úı qurylysynyń barysymen tanysty (E34, E45 jáne E18; E32, E33 jáne E18 jobalyq ataýlary bar kósheniń qıylysy). «Qurylys qarqynyn arttyrýdy tapsyrdym. Jumysshylar men tehnıkanyń sanyn kóbeıtý qajet. Bastysy sanıtarııa normalaryn qatań saqtalý kerek,» - dedi qala ákimi.