Elordadaǵy polıtsııa qýǵyny: Júrgizýshi qamaýǵa alyndy
ASTANA. QazAqparat - Jol apatyn jasap, oqıǵa ornynan qashqan elordalyq júrgizýshi ýaqytsha oqshaýlaǵyshqa qamaldy. Bul týraly QR Іshki ister mınıstrliginiń resmı ókili Almas Sadýbaev aıtty, dep habarlaıdy QazAqparat tilshisi.
«Keshe keshkisin izine túsken polıtsııa qyzmetkerinen qashyp ketý úshin ony kóligimen súırep ketken júrgizýshige qatysty is qozǵalyp, qyzmet babyndaǵy bılik ókiline kúsh kórsetý faktisi boıynsha sotqa deıingi tergeý amaldary júrgizilip jatyr. Júrgizýshi ýaqytsha oqshaýlaǵyshqa qamaldy», - dedi Almas Sadýbaev.
Buǵan deıin elordalyq polıtsııa qyzmetkerleri jol apatyn jasaǵan kólikti dóńgelegin atyp toqtatqanyn habarlaǵan bolatynbyz.
