Elordadaǵy Pavlodar oblysynyń jármeńkesinde ónimder qandaı baǵamen satylady

Aýyl sharýashylyǵy jármeńkesinde oblystyń barlyq óńirleriniń 100-den astam óńdeýshi kásiporyndary men aýylsharýashylyq qurylymdary qatysady. Olar barlyǵy 110 mln teńgeden astam somaǵa 465 tonna kóleminde ónim ákeledi.

Et 36,7 tonna (18,7 tonna sıyr eti, 10,5 tonna jylqy eti, 2,5 tonna qoı eti, 5 tonna qus eti), 220 tonna kartop, 80 tonna kókónis, 60 tonna baqsha daqyldary, 5 tonna balyq, 90 myń dana jumyrtqa, 6 tonna shujyq ónimderi, 1 500 konservi, 10 tonna sút ónimderi, 7,5 tonna qymyz, 4 tonna irimshik, 10 tonna un, 6 tonna jarma, eki tonnadan makaron, nan-toqash, kondıter ónimderi, 4,5 tonna bal, 4 tonna ósimdik maıy saýdalanady.

Sıyr etiniń kelisi 1 350 teńgeden, jylqy eti - 1 550 teńge, qazyny - 1 750 teńge, qoı eti - 1 300 teńge, qus eti - 700 teńge, jumyrtqa - 10 danasy 170 teńge, qatty surypty irimshik - 1 800 teńge, qymyzdyń lıtri - 600 teńge, baldyń kelisi - 1 500 teńge/kg, ósimdik maıynnyń lıtri  - 360 teńge, makaron ónimderiniń kelisi - 140 teńge, qaraqumyq jarmasy - 120 teńge, joǵary surypty un - 120 teńge, kartop, qyryqqabat, pııazdyń kelisi - 70 teńge, sábiz, qyzylshany - 90 teńge, qarbyzdyń kelisi - 50 teńgeden satylady.

Ótken jyldardyń tájirıbesi boıynsha pavlodarlyq aýylsharýashylyq taýar óndirýshileriniń ónimi astanalyqtarda úlken suranysqa ıe jáne jármeńkeni uıymdastyrý kezeńinde tolyǵymen ótkiziledi. Qalalyqtarda et ónimderi, kartop, kókónister jáne qarbyzdar óte tanymal.

Turǵyndarǵa ónimder Pavlodar oblysynyń emblemasy bar ekologııalyq jaǵynan taza paketterge salynyp beriledi.

Jármeńkede tanymal «Rýbıkom» JShS, «KEMMI» JShS, «Aqjar - Óndiris» JShS, «REGTaım» ShQ, «Krendel» JShS, «Zernograd» JShS, «Galıtskoe» JShS, «Sharbaqty Qus» JShS, «Pobeda» JShS, «Aqtoǵaı Agro» JShS sııaqty kásiporyndarynyń ónimderi usynylady.

Sondaı-aq Pavlodar oblystyq fılarmonııasynyń shyǵarmashylyq ujymdary óner kórsetedi.

Jármeńke Q.Munaıtpasov kóshesiniń boıyndaǵy «Qazaqstan» sport kesheni avtoturaǵynda ótedi.