Elordadaǵy para paýerlıftıngten álem chempıonaty: 3 álemdik rekord ornatyldy
NUR-SULTAN. QazAqparat – Elimizdiń bas qalasynda ótip jatqan para paýerlıftıngten álem chempıonatynda 3 birdeı álemdik rekord ornatyldy, dep habarlaıdy QazAqparat QR Ulttyq paralımpıada komıtetine silteme jasap.
«Chempıonattyń alǵash kúni (13 shilde) eki birdeı álemdik rekord ornatyldy. Atap aıtqanda, «A» tobynda 41 keli salmaq sanatyndaǵy áıelder arasynda qytaılyq Gúı Je (Cui Zhe) esimdi ziltemir sheberi 101 keli salmaqty ońaı kóterip, álem chempıonatynyń alǵashqy rekordyn ornatty. Dál sol kúni 45 keliden asatyn ortasha salmaqtaǵy aspan asty eliniń taǵy bir ókili Gýo Lıngıng (Guo Linging) 118 keli nátıjesi boıynsha ekinshi rekordty ornatty», - delingen habarlamada.
Komıtettiń deregine súıensek, ornatylǵan rekordtyń úsheýi de áıel sportshylarǵa tıesili.
«Úshinshi rekord keshe (17 shilde) «A» tobynda, 79 keli salmaq sanatyndaǵy áıelder quramynda Nıgerııa ókili Omolaıo Boze 142 keli ziltemirdi kóterip álem rekordyn jańartty. Aıta keterlik jaıt, chempıonattaǵy barlyq álemdik rekordty áıel sportshylar jańartty. Erler arasyndaǵy rekordqa keler bolsaq, jarystyń 2-shi kúni 54 keli salmaq dárejesinde 189 keli ziltemirdi kóterý arqyly Vladımır Krıvýl (Reseı) eýropalyq rekordty jańartty», - dep habarlaıdy baspasóz qyzmeti.
Habarlamada aıtylǵandaı, Qazaqstan quramasynda ázirge júldeli oryn joq, degenmen Tokıo-2020 paralımpıada oıynadaryna 2 joldamaǵa qol jetkizildi.
