Elordadaǵy «Otan Ana» monýmenti janynan Ǵ.Baıtasov atyndaǵy halyqaralyq avtosherý bastaldy
ASTANA. 4 mamyr. QazAqparat - Elordadaǵy «Otan Ana» monýmenti janynan ótken jyly Tarazda lańkesti ustaý barysynda janyn pıda etken «Halyq qaharmany» Ǵazız Baıtasov atyndaǵy halyqaralyq avtosherý bastaldy.
Avtosherýge Reseı jáne Belarýs elderiniń polıtseıleri qatysýda. Olar Qaraǵandy, Jambyl, Almaty oblystary men Qyrǵyzstannyń shektes aýdandaryn basyp ótedi. Shara barysynda sóz sóılegen QR Іshki ister mınıstri Qalmuhanbet Qasymovtyń atap ótýinshe, avtosherý ózderiniń qyzmettik mindetterin oryndaý barysynda qaza tapqan polıtsııa qyzmetkerlerine arnalady.
«Bizdiń bul bastamamyzdy quqyq qorǵaý organdarynyń qatardaǵy qyzmetkerinen bastap basshylary da qoldaıdy dep senemin. Olar qaza tapqan áriptesteriniń erlikterin eske alyp, otbasylaryna kómek qolyn sozatyndyǵyna úmittimin», - dedi ol.
