Elordadaǵy "Otan-Ana" monýmenti aýmaǵynda jas sarbazdardyń Áskerı ant qabyldaý rásimi ótedi
ASTANA. Shildeniń 1-i. QazAqparat - Shildeniń 3-de saǵat 11.00-de elordada Otan qorǵaýshylar alańyndaǵy «Otan-Ana» monýmenti aýmaǵynda Іshki áskerlerdiń Astana garnızonyna qarasty bólimderindegi jas sarbazdardyń Áskerı ant qabyldaý saltanatty rásimi ótedi,
dep habarladyQR ІІM Іshki áskerleriniń baspasóz qyzmeti.
Іshki áskerge shaqyrylyp, jas jaýyngerler kýrsynan ótken astana garnızonynyń 5570 jáne 3660 bólimderiniń tórt júzden astam sarbazy áskerı ant qabyldap, Otan qorǵaýshylardyń qataryna qosylady.
Bul sharaǵa Qazaqstan Respýblıkasynyń Іshki ister mınıstri Serik Baımaǵanbetov, ІІM Іshki áskerleriniń Qolbasshysy general-maıor Rýslan Jaqsylyqov, «Nur-Otan» HDP Ortalyq apparatynyń, Qazaqstan halqy Assambleıasynyń, dinı uıymdar ókilderi, sondaı-aq Uly Otan soǵysy jáne oqshaýly soǵystardyń ardagerleri, elimizdiń barlyq óńirlerinen arnaıy kelgen jas sarbazdardyń ata-analary jáne qala turǵyndary qatysady.
Qalyptasqan dástúrmen saltanatty rásim 1995 jylǵy sáýirdiń 7-de tájik-aýǵan shekarasynda jaýyngerlik boryshtaryn óteý kezinde qaza tapqan Іshki áskerler sarbazdaryna ornatylǵan Erlik alleıasyndaǵy eskertkish taqtaǵa gúl shoqtaryn qoıýdan bastalady. Erjúrek jaýyngerlerdiń qurmetine úsh dúrkin salıýt atylyp, bir mınýttyq únsizdik jarııalanady.
Іshki áskerler sarbazdarynyń áskerı antqa árqashan adal ekenin taıaýda Aqtaý qalasyndaǵy túzeý mekemesinen qashyp shyqqan qylmyskerlerge qaısarlyqpen qarsy turǵan sarbaz Erbol Otarbaevtyń erligin aıtýǵa bolady. Іshki áskerler erlik dástúri keıingi urpaqqa úlgi.
