Elordadaǵy órt: jıhaz tsehynyń 20 jastaǵy qyzmetkeri zardap shekken
NUR-SULTAN. QazAqparat – Elordadaǵy «Astyqjan» saýda ortalyǵyndaǵy órtten 20 jastaǵy jıhaz tsehynyń qyzmetkeri zardap shegip, aýrýhanaǵa jetkizildi, dep habarlaıdy QazAqparat tilshisi.
Bul týraly Nur-Sultan qalasy tótenshe jaǵdaılar departamentiniń baspasóz qyzmeti habar taratty.
«Órt sóndirý barysynda «Ýnıversal» jıhaz tsehynyń 2001 jyly týǵan qyzmetkeri zardap shekken. Qazir ol qyz Travmatologııa jáne ortopedııa ǵylymı-zertteý ınstıtýtyna jetkizildi, jaǵdaıy ortasha dárejede», - dep jazylǵan resmı málimette.
Eske salsaq, búgin tańerteń Elordadaǵy «Astyqjan» saý ortalyǵynyń jıhaz salonynan órt shyqty.
Aldyn ala aqparat boıynsha búgin saǵat 09: 42-de Nur-Sultan qalasy tótenshe jaǵdaılar departamentiniń órt sóndirý bólimsheleri Ál-farabı dańǵyly, 28 meken-jaıy boıynsha órt týraly kelip túsken habarlamaǵa shuǵyl attanǵan. «Órt sóndirýshiler shaqyrý ornyna 6 mınýttyń ishinde keldi. Olar jetkende «Astyqjan» saýda ortalyǵynyń 3-qabattyndaǵy jıhaz salony janyp jatqan. Aldyn ala aqparat boıynsha zardap shekkender men qaza tapqandar joq. Qazir elordalyq 76 órt sóndirýshi men 19 birlik tehnıka jumyldyryldy. Órt sóndirý ornynda órt sóndirý shtaby uıymdastyryldy», - dep jazylǵan departamenttiń dereginde.
