Elordadaǵy órt: «Ýnıversal» saýda ortalyǵy kimniń menshigi
NUR-SULTAN. QazAqparat - Nur-Sultan qalasyndaǵy «Ýnıversal» saýda ortalyǵynda órt shyǵyp, qalalyq órt sóndirý qyzmeti qyzyl jalyndy óshirdi, dep habarlaıdy QazAqparat.
Aldyn ala derekter boıynsha órt saǵat 9:40-ta bastalǵan jáne ǵımarattyń sol jaq qanatynyń úshinshi qabatynda boldy. Órt sóndirýshiler 9:48-de keldi. Saýda ortalyǵynyń jalpy aýmaǵy 14 029,4 sharshy metrdi quraıdy, órt 2 jáne 3 qabattardy qosa alǵanda 6 700 sharshy metr aýmaqty sharpydy.
«Ýnıversal» saýda ortalyǵynyń ǵımaraty zań júzinde Jusan Bank-ke tıesili, degenmen Bank ákimshilik basqarýǵa almaǵan.
«Ǵımaratty «Merıdıan NS» JShS jalǵa alǵan jáne ári qaraı qoldanyp keledi. Bank, jalǵa alýshy jáne ǵımarattyń burynǵy menshik ıesi arasyndaǵy uzaqqa sozylǵan sot daýlary men kelispeýshilikter, sondaı-aq olardyń ornalasqan ǵımaratty óz erkimen bosatýdan bas tartýy jaǵdaıynda saýda ortalyǵy bank menshigine ótken sátten bastap jalǵa alýshylarmen ózara qarym-qatynastardy jáne órt qaýipsizdigin qosa alǵanda, ǵımaratty ákimshilik basqarý jónindegi birqatar máseleler osy kúnge deıin ashyq kúıinde qalyp otyr, - deıdi Jusan Bank basqarýshy dırektory Ashat Adylbekov. – Baqytymyzǵa oraı, bank saýda ortalyǵyna bergen kúzet qyzmetiniń ýaqtyly jáne jedel áreketteriniń arqasynda adamdardy der kezinde evakýatsııalap, órt zardabynyń aldyn aldy».
Qazirgi ýaqytta ortasha jaraqat alǵan bir jábirlenýshi týraly aqparat bar. Mamandar órttiń yqtımal sebepterin anyqtap, ǵımarattyń ıesi men saýda ortalyǵyn jalǵa alýshylarǵa keltirilgen zalaldy baǵalaýy kerek.
