Elordadaǵy Oqýshylar saraıynda ornalasqan №98 saılaý ýchaskesinde saılaý qyzýda
ASTANA. QazAqparat - Astanadaǵy M.Ótemisov atyndaǵy Oqýshylar saraıynda ornalasqan №98 saılaý ýchaskesiniń tóraıymy Quralaı Muqyshevanyń aıtýynsha, atalǵan saılaý ýchaskesine 2431 saılaýshy tirkelgen.
"Qazirdiń ózinde 200-den astam saılaýshy kelip daýys berdi. Eń belsendilerine syılyqtar taratyp jatyrmyz. Sonyń ishinde tuńǵysh ret daýys berip otyrǵan jastarymyz da bar", - dep atap ótti ol.
Kámeletke endi ǵana tolsa da, búgingi kúnniń mańyzyn túsinip, saılaýǵa tańsáriden kelgen Álibek Quttyqov pen Aıda Hasanovalar ózderiniń oılarymen jáne daýys berý sátinen alǵan áserlerimen bólisti.
"Bul men úshin óte mańyzdy kún. Óıtkeni tuńǵysh ret saılaýǵa qatysyp otyrmyn. Bizge berilip otyrǵan múmkindikti durys paıdalanyp, óz tańdaýymyzdy jasasaq, bolashaǵy jarqyn, yntymaǵy jarasqan memlekette ómin súretinimizge senimdimin", - deıdi Á.Quttyqov.
