Elordadaǵy Oqýshylar saraıynda 125 úıirme men sektsııaǵa qabyldaý bastaldy
NUR-SULTAN. QazAqparat - Elordadaǵy Oqýshylar saraıynda úıirmeler men sektsııalardyń 125 túri boıynsha qabyldaý bastaldy, dep habarlaıdy QazAqparat tilshisi.
Qala ákimdiginiń resmı saıtyndaǵy málimet boıynsha, Balalardy qabyldaý MINDAL portaly arqyly júzege asyrylady. Ál-Farabı atyndaǵy Oqýshylar saraıynda (B.Momyshuly dańǵyly, 5) úıirmeler men sektsııalardyń 125 túri, 11 baǵyt boıynsha jumys isteıdi. Barlyq úıirmeler men sektsııalarda
bıýdjettik jáne aqyly negizdegi toptar bar.
Bıýdjettik negizdegi toptarǵa: jetim balalar, az qamtylǵan otbasylardyń balalary, múmkindigi shekteýli balalar, kóp balaly otbasylardyń balalary jáne Qazaqstan Respýblıkasynyń zańdarymen aıqyndalatyn ózge de sanattaǵy azamattar qabyldanady. Aqyly negizde qabyldaý 1-15 qyrkúıek aralyǵynda ótedi.
«Úıirmelerge qabyldanǵan kezde ata-analar MINDAL portal arqyly ótinish beredi. Balalardy qabyldaý MINDAL EEM-ge arnalǵan baǵdarlamaǵa servıstik qyzmet kórsetý boıynsha júrgiziledi.
Kezekke qoıýǵa ótinish tek elektrondy túrde beriledi», – dedi Nur-Sultan qalalyq bilim basqarmasynda.
Ótinish berýshi uıaly telefon nómirin, zańdy ókildiń JSN jáne balanyń JSN mindetti túrde kórsetýi kerek. Ótinish berý barysynda bir rettik parolder paıdalanylady. Budan ári, kezekke qoıylǵannan keıin nómirler ótinish berýshiniń Jeke kabınetin qurý jáne iske qosý, elektrondy habarlamalardy taratý úshin paıdalanylady.
Balanyń túrli úıirmelerge jáne sport sektsııalaryna birneshe ótinishi bolýy múmkin. Ótinish bergen kezde balanyń turatyn jeri mańyzdy emes. Balanyń tirkelgeni týraly sms-habarlamany
alǵannan keıin rastaıtyn qujattardy (balanyń JSN, ata-anasynyń JSN, medıtsınalyq anyqtama, jeńildikti rastaıtyn qujattar) toltyrady jáne qosa tirkeıdi.
Budan ári MINDAL portaly bıýdjettikke rastaıtyn qujattar bolǵan jaǵdaıda balalardy toptarǵa anyqtaıdy. Ata-analardyń portal arqyly úıirmeler men sektsııalardaǵy bos oryndardy únemi qadaǵalaý múmkindigi bar.
