Elordadaǵy Nursultan jazýlary demontajdala bastady
ASTANA. QazAqparat – Elordadaǵy Nursultan jazýlary demontajdala bastady. Áleýmettik jelilerde «Nurjol» jelekjoly boıyndaǵy áripterdiń ornynan alynyp jatqan vıdeosy tarady, dep habarlaıdy QazAqparat.
Sondaı-aq, jelide Botanıkalyq baqtaǵy Nur-Sultan jazýynyń da alynyp jatqan fotolary paıda boldy.
Eske salsaq, keshe Memleket basshysynyń «Qazaqstan Respýblıkasynyń elordasy – Nur-Sultan qalasynyń ataýyn Qazaqstan Respýblıkasynyń elordasy – Astana qalasy dep ózgertý týraly» Jarlyǵy jarııalandy.
Budan buryn Prezıdent «Qazaqstan Respýblıkasynyń Konstıtýtsııasyna ózgerister men tolyqtyrý engizý týraly» Qazaqstan Respýblıkasynyń Zańyna qol qoıǵan bolatyn.
Atalǵan Zań Parlament palatalarynyń birlesken otyrysynda qabyldanǵan.
Aıta ketsek, Ata Zańnyń 5 babyna ózgerister engizilip, 1 bap qosyldy. Zańnama negizinde elordamyz Nur-Sultan qalasynyń ataýy qaıtadan Astana bolyp ózgertildi.
