Elordadaǵy mektep ashanalarynan kemirgishter men shybyndar tabyldy
ASTANA. QazAqparat - Astana qalalyq qoǵamdyq densaýlyq saqtaý departamentiniń basshysy Sádýaqas Baıǵabulov elorda mektepterin tekserý qorytyndysyn jarııa etti, dep habarlaıdy QazAqparat tilshisi.
Elordada jyl basynan beri 18 mekteptiń ashanasy tekserilgen.
Belgili bolǵandaı, kóp jaǵdaıda azyq-túlikterdi saqtaý sharttary saqtala bermeıdi. Máselen, № 1, 17, 30, 45 mektepterde (jetkizýshiler «Úmit NT» JShS, «Zaıats» JK, «Dýısengalıeva IP» JShS) shıki et sút ónimderimen, irimshikpen jáne jemis-jıdekpen bir jerde saqtalǵan.
Sonymen qatar, tyıym salynǵan ónimder - balalarǵa jep-ishýge arnalǵany kórsetilgen zattańbasy joq shujyqsha men sýsyndar №№ 69, 30, 32 mektepterde anyqtalǵan («Bolganbekova» JK, «Zaıats» JK).
Budan bólek, № 45 jáne 17 mektepterde jeldetkish durys jumys istemeı, sorǵy shatyrdyń joqtyǵy, shań-tozańnan qorǵaıtyn ventılıatsııalyq tor men kanaldardyń tazartylmaıtyny belgili bolǵan.
Shybyndar men kemirgishterdiń anyqtalýy № 66, 78 jáne 69 mektepterde dezınfektsııalyq tazartý jumystary ýaqtyly júrgizilmeıtinin kórsetip otyr («Daýrov» JK, «Otandastar» JShS¸ «Bolganbekova» JK).
№ 1, 14, 40, 41, 78 mektepterde («Úmit NT» JShS, «Zaıats» JK, «Otandastar» JShS, «Safronova» JK) daıyn jáne shıki ónimderden tamaq daıyndaý boıynsha tańbalanbaǵan ınventar qoldanylatyny anyqtaldy.
Belgili bolǵandaı, tamaq boıynsha laboratorııalyq zertteýge arnalǵan 45 synamanyń 15,5 paıyzy qaýipsizdik talaptaryna saı kelmegen. ıAǵnı, olardaǵy mántiden, kespe men palaýdan ishek taıaqshasy anyqtalǵan. Bul jaǵdaı № 45, 40, jáne 69 («Dúısenǵalıeva JK» JShS, «Safronova» JK, «Bolganbekova» JK) mektepterdegi ashanalarda jeke gıgıena saqtalmaıtynyn kórsetken.
Qoldanystaǵy dezınfektsııalaýshy quraldardyń 26 paıyzy №№ 1, 17, 21, 37, 43, 48, 49, 65, 76, NZM («Ýmıt NT» JShS, «Astana Arkadııa XXI» JShS, «Tore-M Lımıted» JShS, «Alybaeva» JK, «Jenıs transservıs» JShS) mektepterinde talaptarǵa saı kelmeıtini anyqtalǵan.
Tekserý qorytyndysy boıynsha jalpy somasy 432 900 teńgeni quraıtyn 18 aıyppul salynǵan. Astana mektepterindegi tekseris jumystary áli de jalǵasýda.
