Elordadaǵy Mega ortalyǵynda vaktsınatsııa pýnkti jabylady

NUR-SULTAN. QazAqparat - «Mega Silk Way» SOO-da qala turǵyndaryn koronavırýsqa qarsy vaktsınatsııalaýǵa arnalǵan pýnkt 23 qyrkúıek kúni jabylady. Bul týraly QazAqparat ákimdikke silteme jasap habarlaıdy.

Esterińizge sala keteıik, azamattardy vaktsınatsııalaý pýnkti muz aıdynynyń aýmaǵynda, ıaǵnı birinshi qabatta ornalasqan bolatyn. Jóndeý jumystary júrgizilgennen keıin muz aıdynyn qalpyna keltirý josparlanyp otyr.

Qazirgi ýaqytta qala turǵyndarynyń 66 paıyzdan astamy vaktsınanyń birinshi komponentin aldy. Vaktsınatsııa sizdiń densaýlyǵyńyzdy da, jaqyndaryńyz ben aınalańyzdaǵylardyń da densaýlyǵyn qorǵaıdy.

Qazirgi ýaqytta qala boıynsha SOO jáne SÚ janynda 5 vaktsınatsııa pýnkti ornalasqan: «Kerýen» SOO, «Han Shatyr», «Azııa Park», «Abý Dabı Plaza» jáne «Evrazııa» SOO. Vaktsınatsııa pýnktteri medıtsınalyq mekemelerde de ornalasqan. Barlyǵy 84 vaktsınatsııa pýnkti bar. Sondaı-aq eńbek ujymdaryn vaktsınatsııalaý úshin kóshpeli brıgadalar da jumys isteıdi.