Elordadaǵy «Medına» turǵyn úı kesheninen órt shyqty
ASTANA. QazAqparat - Astanadaǵy «Medına» turǵyn úı keshenindegi páter órtenip jatyr, dep habarlaıdy QazAqparat.
Kýágerlerdiń aıtýynsha, Aqan seri kóshesi boıynda ornalasqan turǵyn úı kesheniniń tórtinshi qabatynda ornalasqan páterdiń birinen órt shyqty. Qazirgi kezde arnaıy tehnıkamen kelgen órt sóndirýshiler tilsiz jaýmen kúresip jatyr. Sonymen qatar oqıǵa ornyna polıtsııa qyzmetkerleri de tartyldy.
Astana qalasy TJD baspasóz qyzmetiniń málimetinshe, búgin saǵat 10:39 kezinde «Medına» turǵyn úı keshenindegi órt týraly aqparat kelip túsken. Oqıǵa ornyna shuǵyl jetken órt sóndirýshiler tórtinshi qabattaǵy páterdiń birinde 5 sharshy metr aýmaqta úı zattary janyp jatqanyn anyqtady.
Jedel árekettiń nátıjesinde qutqarýshylar tilsiz jaýdy saǵat 11:09 kezinde aýyzdyqtady. Jalpy órt sóndirýge jeke quramnyń 12 qyzmetkeri men 3 arnaıy tehnıkasy jumyldyryldy.
«Órt saldarynan zardap shekkender joq. Qazirgi kezde qyzyl jalynnyń taralýy sebebi anyqtalýda», - delingen TJD habarlamasynda.
