Elordadaǵy «Mechta» saýda úıinde vaktsınatsııa pýnkti ashyldy

NUR-SULTAN. QazAqparat - Nur-Sultanda vaktsınatsııa júrgiziletin jańa oryn ashyldy. Bul pýnkt Respýblıka dańǵylynda ornalasqan «Mechta» saýda ortalyǵynyń 1-qabatynda ornalasqan, dep habarlaıdy qala ákimdiginiń resmı saıty.

Bul turǵyndardy koronavırýs ınfektsııasyna qarsy vaktsınatsııamen qamtý maqsatynda júrgizilip otyr.

Aıta keteıik, saýda úıleri men qala ortalyqtarynda vaktsınatsııalaý oryndaryn uıymdastyrý Nur-Sultan qalasy sanıtarlyq-epıdemıologııalyq baqylaý departamentimen birlesip júrgiziledi.

Jańa oryndardyń sanıtarlyq talaptarǵa sáıkestigi men normalardyń saqtalýy qaralady.

Elordada osyǵan deıin ekpe pýnkteri «Mega Silk Way», «Keruen», «Han Shatyr» jáne «Abý-Dabı Plaza», «Azııa Park», «Saryarqa» SOO-larynda, sol sııaqty «Álem» jáne «Eurasia» saýda úılerinde ashylǵan bolatyn. Qala ákimi Altaı Kólginovtiń tapsyrmasy boıynsha vaktsınatsııa pýnkteri 3 esege artty.

Nur-Sultanda 5 maýsymdaǵy jaǵdaı boıynsha 166 myńnan astam adam vaktsınanyń 1 komponentin aldy.