Elordadaǵy masany ýlaýǵa qansha qarajat bólindi
NUR-SULTAN. QazAqparat - Osy aptanyń sońynda elorda jurtshylyǵynyń mazasyn alǵan masa azaıady, dep habarlaıdy QazAqparat tilshisi.
«Sáýir aıynda bastalǵan masany kezeń-kezeńimen ýlaý jumystary 6 týrǵa bólingen. Qazirgi ýaqytta úshinshi týry ótip jatyr jáne endi 20 kúnnen keıin ashyq stansalary men shaǵyn sý qoımalaryndaǵy masalardy ýlaýǵa baǵyttalǵan tórtinshi týry bastalady. Beısenbi, jumaǵa qaraı masa azaıady. Qoldanylatyn dári-dármekterdiń barlyǵy memlekettik saraptamadan, synamadan ótken», - dedi Nur-Sultan qalalyq taýarlar men qyzmetterdiń sapasy men qaýipsizdigin baqylaý departamentiniń dırektory Sádýaqas Baıǵabylov.
Onyń aıtýynsha, elordaǵa jaýǵan mol jaýyn-shashynnan keıin kún kúrt jylynyp, sonyń saldarynan dernásildiń masaǵa aınalý protsesi 7 kúnnen 2 kúnge deıin qysqarǵan.
«Bıyl sáýir men qyrkúıek aılarynyń aralyǵynda masany ýlaý úshin jergilikti bıýdjette 170 mln teńge qarastyrylǵan. Qazirgi ýaqytta onyń 70 paıyzy jumsaldy. Qajettilik bolǵan jaǵdaıda qosymsha bıýdjet qarajaty da kózdelgen. Qazirgi ýaqytta qoımada saqtalyp turǵan masaǵa qarsy dári osy jylǵa jáne kelesi jylǵa jetkilikti. Qoımada 8-9 tonna dári bar», - dedi departament basshysy.
