Elordadaǵy Máńgilik El dańǵylynyń ýchaskesi ýaqytsha jabylady
NUR-SULTAN. QazAqparat - Elordalyq Kólik jáne jol-kólik ınfraqurylymyn damytý basqarmasy qalalyq PD ákimshilik polıtsııa basqarmasymen kelise otyryp, Máńgilik El dańǵylyndaǵy jol tósemi jumystaryn bastaıdy, dep habarlaıdy Nur-Sultan ákimdiginiń resmı saıty.
Aǵymdaǵy jylǵy 2-8 tamyz aralyǵynda jóndeý jumystaryn júrgizýge baılanysty Máńgilik El dańǵylynyń Dostyq kóshesinen Saraıshyq kóshesi men Máńgilik El dańǵylynyń qıylysyndaǵy kólik aıyrymyna deıingi ýchaskesindegi avtokólik quraldary úshin qozǵalys tolyǵymen jabylatyn bolady.
«Elorda turǵyndary men qonaqtary qala joldarynda keptelis týdyrmaý úshin qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy suraımyz», - delingen kólik basqarmasynyń habarlamasynda.
