Elordadaǵy Máńgilik el dańǵylynda kólik qozǵalysyna shekteý engiziledi
ASTANA. QazAqparat - Astana qalasy kólik jáne jol-kólik ınfraqurylymyn damytý basqarmasy avtokólik joldaryna ortasha jóndeý júrgizý aıasynda Máńgilik el dańǵyly boıynsha Saraıshyq kóshesinen Kereı-Jánibek handar kóshesine deıingi bólikte jóndeý jumystaryn júrgizýdi josparlap otyr, dep habarlaıdy Astana ákimdiginiń resmı saıty.
Osyǵan baılanysty, 15-25 shilde aralyǵynda joldyń atalmysh bóliginde avtokólik quraldarynyń qozǵalysy jartylaı shekteletin bolady.
Qala joldaryndaǵy keptelisterge tap bolmaý úshin Astana turǵyndary men qonaqtary júretin baǵyttaryn aldyn ala josparlap alǵandary abzal.
