Elordadaǵy LRT qandaı qosymsha baǵyttarda damytylady
«LRT úsh kezeńge bólingen. Áýejaıdan jańa vokzalǵa deıin salynyp jatqan birinshi kezeńi 2023 jylǵa josparlanǵan. Árıne, biz onyń tek osy baǵytta ǵana jumys istemeıtindigin túsinemiz. Ony qalanyń ortasyna qaraı tartý qajet. 2035 jylǵa deıin eski temir jol vokzalyna deıin taǵy bir tarmaq bolady. Birinshi men ekinshi tarmaq shamamen «Azııa park» saýda oıyn-saýyq ortalyǵy aýdanynda túıisedi. Úshinshi kezeńdi 2050 jylǵa qaraı paıdalanýǵa beremiz. Bul uzaqmerzimdi keleshekke arnalǵan jospar. Ol Qorǵaljyń tas jolyna qaraı úshinshi aınalma jolǵa, Ilınka eldi mekenine deıin bolady», - dedi ol «Astana qalasynyń 2035 jylǵa deıingi bas josparynyń» jańa jobasy boıynsha qoǵamdyq talqylaý aıasynda QazAqparat tilshisine bergen suhbatynda.
Buǵan deıin elordada ekinshi aınalma jol qurylysy aıaqtalýǵa jaqyn. Sonymen qatar úshinshi aınalma jol salý josparlanyp otyrǵanyn jazǵan edik.
