Elordadaǵy lombardtardy tonaǵan adam ustaldy
ASTANA. QazAqparat - Astana polıtseıleri jedel izdestirý sharalary barysynda qaladaǵy lombardtardy tonaý isini qatysty kúdikti Soltústik Qazaqstan oblysynyń 22 jastaǵy turǵynyn ustady, dep habarlaıdy QazAqparat.
«Tonaýshy lombardtarǵa kirip, zergerlik buıymdardy (saqına, altyn saǵattar, alqalar) ólshep kórýge suraǵan, osy sátte satýshynyń qolynan baǵaly zattardy julyp alyp, izin sýytqan. Ol kúzeti joq lombardtardy aldyn ala baıqap alyp otyrǵan. Ol 6 lombardty tonaǵan», - dep habarlaıdy qalalyq ІІD-niń baspasóz qyzmeti.
Qazirgi ýaqytta kúdikti qylmysyn moıyndap otyr. QR Qylmystyq kodeksiniń 191-baby boıynsha tekserý amaldary júrgizilip jatyr. Kúdiktiniń buǵan deıin de alaıaqtyqqa qatysty qylmystyq jaýapkershilikke tartylǵandyǵy anyqtalyp otyr.
Qazir kúdikti qalalyq ІІD-niń ýaqytsha ustaý abaqtysyna qamaýdy. Onyń osyǵan uqsas basqa da isterge qatysy bar-joqtyǵy tekserilip jatyr.
