Elordadaǵy Qosshyǵululy kóshesinde kólik qozǵalysy shekteldi
NUR-SULTAN. QazAqparat - Elordalyq Kólik jáne jol-kólik ınfraqurylymyn damytý basqarmasy qalalyq PD ákimshilik polıtsııa basqarmasynyń kelisimimen Shaımerden Qosshyǵululy kóshesindegi jol tósemin ortasha jóndeý jumystaryn bastady, dep habarlaıdy Nur-Sultan ákimdiginiń resmı saıty.
Aǵymdaǵy jyldyń 1-10 maýsym aralyǵynda jóndeý jumystarynyń júrgizilýine baılanysty Kenjebek Kúmisbekov kóshesinen Shabal Beısekova kóshesine deıin Shaımerden Qosshyǵululy kóshesiniń ýchaskesinde avtokólik quraldary úshin qozǵalys ishinara jabyldy.
«Elorda turǵyndary men qonaqtary qala joldarynda keptelis týdyrmaý úshin qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy suraımyz», - delingen kólik basqarmasynyń habarlamasynda.
