Elordadaǵy Qoshqarbaev kóshesiniń bir bóligi 10 kúnge jabylady
ASTANA. QazAqparat - 5-14 qyrkúıek aralyǵynda Qoshkarbaev kóshesiniń Táýelsizdik dańǵylynan Amanjolov kóshesine deıingi bóligi qalpyna keltirý jumystaryn júrgizýge baılanysty jabylady. Bul týraly Astana qalasynyń Energetıka basqarmasynan habarlady, dep jazady astana.kz.
Qurylys-montajdaý jumystary «TM-18 jylý magıstralin qalpyna keltirý» jobasy aıasynda qolǵa alynady. Bul jylýmen qamtý senimdiligin arttyrýǵa jáne jańa qurylys nysandaryn jylý energııasyna qosýǵa, sondaı-aq tozyǵy jetken magıstraldik jelilerdiń kólemin azaıtýǵa múmkindik beredi.
