Elordadaǵy Qoshqarbaev dańǵyly jartylaı jabyldy
NUR-SULTAN. QazAqparat – Elordadaǵy Qoshqarbaev dańǵyly 12 tamyzǵa deıin jartylaı jabyldy.Júrgizýshiler marshrýtyn aldyn-ala josparlaýy kerek, dep habarlaıdy elorda ákimdiginiń resmı saıty.
Kóshe-jol jelisin ortasha jóndeý aıasynda Qoshqarbaev dańǵylynda Sarykól kóshesinen Qordaı kóshesine deıin jol qurylysyn salý josparlanǵan, dep habarlady qalalyq kólik jáne jol-kólik ınfraqurylymyn damytý basqarmasy. Osyǵan oraı 28 shilde men 12 tamyz aralyǵynda kólik qozǵalysyn jartylaı jabý josparlanǵan. Elorda turǵyndary men qonaqtary qala joldaryndaǵy keptelisterdi boldyrmaý úshin marshrýtyn aldyn-ala josparlaýy kerek. «Keltirilgen qolaısyzdyqtar úshin keshirim ótinemiz jáne jóndeý jumystaryna túsinistikpen qaraýdy suraımyz», – delingen basqarma habarlamasynda.
