Elordadaǵy kóshede 25 jylda alǵash ret asfalt tóseldi
NUR-SULTAN. QazAqparat - Bıyl Nur-Sultan qalasynda jalpy uzyndyǵy 100 shaqyrymdy quraıtyn 150 kóshe jóndeledi. Onyń ishinde 100 kóshe turǵyn alaptarynda ornalasqan. QazAqparat bul týraly elorda ákimdigine silteme jasap habarlaıdy.
«Óndiris eldi mekeninde turyp jatqanymyzǵa 25 jyl boldy. Bıyl birinshi ret asfalt tóseldi. Buryn biz tipti elordada turatynymyzdy múldem sezbeıtinbiz. Joldarda shań-tozań, balshyq kóp bolatyn. Al qazir jaryq ótkizilip, asfalt tóseldi. Balalar kóshede oınaı alady. Biz de olarmen birge serýendemiz. Jumyldyrylǵan barlyq jumysshylarǵa alǵys aıtamyz. Elorda turǵyndary ekenimizdi endi anyq sezemiz», - dedi atalmysh eldi mekenniń Aqpan tuıyq kóshesi, 7 mekenjaıynda turatyn Sáýle Qulmaıeva.
«Óndiris» turǵyn alabynda 16 kóshe jóndelip, keıbiri jańadan salynsa, «Agrogorodok» shaǵynaýdanynyń 21 kóshesinde jumystar júrgiziledi. Jol jumystary barlyq derlik turǵyn alabyn qamtıtyn bolady.
«Jumyspen qamtýdyń jol kartasy» baǵdarlamasy aıasynda bıyl 15 myń jumys orny, al jol qurylysy boıynsha 1,5 myń jańa jumys orny qurylady.
Turǵyndar vakansııalar boıynsha jumyspen qamtý ortalyqtaryna júgine alady.
