Elordadaǵy koronavırýspen aýyrǵandardyń jaǵdaıy týraly aıtyldy
NUR-SULTAN. QazAqparat – Koronavırýs juqtyryp alǵan bolýy múmkin elorda turǵyndaryna medıtsınalyq kómekti ýaqytyly kórsetýge baǵyttalǵan jumystar atqarylyp jatyr. Bul týraly Habar24 arnasynda ótken onlaın brıfıngte aıtyldy, dep habarlaıdy QazAqparat tilshisi.
«Búgingi tańda statsıonarlyq em alyp jatqandar ishinde eki adamnyń densaýlyq jaǵdaıy turaqty aýyr. Olar jasandy tynys alý qurylǵysymen jatyr. Klınıkalyq hattamaǵa sáıkes em alýda. Qalǵan naýqastardyń densaýlyq jaǵdaıy qanaǵattanarlyq», - deıdi Nur-Sultan qalasynyń qoǵamdyq densaýlyq saqtaý basqarmasynyń basshysy Sáýle Qısyqova.
Onyń aıtýynsha, Koronavırýs juqtyryp alǵan bolýy múmkin elorda turǵyndaryna medıtsınalyq kómekti ýaqytyly kórsetý maqsatynda qaladaǵy temirjol aýrýhanasyndaǵy pýlmonologııa bólimi keńeıtilgen.
«Bul jerde koronavırýsty ınfektsııa bar-joǵyn anyqtaý úshin dıagnostıka jasalady. Ary qalaı naýqasty emdeý ádisteri qaralady. Sondaı-aq, №2 qalalyq aýrýhana bazasynda observatorııalyq emhana ashyldy. Bul jerde bir aýysymda 150 adam qarala alady. Koronavırýs anyqtalǵan eki naýqas osy medıtsınalyq nysanda jatyr», - dep tolyqtyrdy basqarma basshysy.
