Elordadaǵy kórmede bilim berý salasyndaǵy jańa tehnologııalar kórsetildi
NUR-SULTAN. QazAqparat – Elordada ótip jatqan bilim kórmesinde pedagogıkalyq tehnologııalardyń jańa úlgileri kórsetildi, dep habarlaıdy Nur-Sultan qalasy ákimdigi resmı saıty.
«Kórme» ortalyǵynda Tamyz keńesi aıasynda elordalyq bilim kórmesi ótti. Kórmede qalalyq bilim uıymdaryna ınnovatsııalardy engizý jónindegi jetistikter usynyldy.
Bul sharaǵa 4565 ustaz, 504 ata-ana, 650 bala jáne 195 stýdentter, sonymen qatar qonaqtar men eriktiler qatysty.
Qatysýshylarǵa ekskýrsııa jáne oıyndar uıymdastyryldy. Sonymen qatar, qatysýshylar ınteraktıvtik oıyndardyń jańa úlgilerimen tanysty.
Sharada «Lesson study», «Krıterıaldy baǵalaý», «Kásiptik oqytý», «Inklıýzıvtik bilim berý» bilim berý tehnologııalary aýmaǵy ashylyp, STEM-olımpıadasy jeńimpazdarynyń qolymen jasalǵan ǵarysh kemesiniń, shaǵyn munaralardyń, kópirler balamalary usyný kózdelip otyr.
Sondaı-aq, kórmede zamanaýı kóp fýnktsıonaldy jáne jabdyqtarymen jabdyqtalǵan kabınetter, robototehnıka, STEM, fızıka, hımııa, radıoelektronıka, 3D tehnologııalary, ushý apparattary bar, biregeı zamanaýı dızaıni bar kabınetter men bos mektep keńistikteri, balabaqshlardaǵy ınteraktıvti oqý jabdyqtary bar 17 áleýmettik seriktester Reseı, Ońtústik Koreıa, Polsha, Fınlıandııa memleketteriniń keńeıtilgen pavılondary ornatylǵan.
