Elordadaǵy Kongress-Hollda «Án júregim - Astana» án baıqaýynyń gala-kontserti ótti

Astana - óner álemine qadam basqan jas oryndaýshylardyń, sazgerler men aqyndardyń asqaq armanyn úkilegen arý qala. Astana jaıly ánder asqaq armanǵa, ór maqsatqa, týǵan jerge degen súıispenshilikke toly. Kontsert kórermenderi ár ánniń mátininen azamattyq-patrıottyq tolǵanystar men jas qalaǵa degen úlken mahabatty sezine aldy.

Baıqaý aǵymdaǵy jyldyń mamyr aıynda ótkizildi. Oǵan Qazaqstannyń túkpir-túkpirinen irikteý kezeńderinen súrinbeı ótken 19 úmitker qatysqan bolatyn.

Jas talanttardy yntalandyrý jáne aldaǵy shyǵarmashylyq jolǵa jiger berý maqsatynda jastarmen birge Kongress-Holl sahnasynda Qazaqstan estradasynyń asqaq juldyzdary Aıjan Nurmaǵambetova, Nurjamal Úsenbaeva, Marjan Arapbaeva jáne taǵy basqalar óner kórsetti.