Elordadaǵy qonaq úıdiń biri aýrýhana bolady – Baqtııar Máken
NUR-SULTAN. QazAqparat – «S» jospary bola qalǵan jaǵdaıda Nur-Sultan qalasyndaǵy Ramada Plaza qonaq úıin aýrýhanaǵa aınaldyramyz. Bul týraly Ortalyq kommýnıkatsııalar qyzmetiniń alańynda ótken brıfıngide Nur-Sultan qalasy ákiminiń orynbasary Baqtııar Máken aıtty, dep habarlaıdy QazAqparat tilshisi.
«S» jospary tótenshe jaǵdaı komendanttyq saǵatqa aýysqan kezde, atalǵan vırýs jappaı taralǵan kezde júzege asady. Ekinshiden, mundaı jaǵdaıda biz karantın úshin tósek-orynmen barynsha kóp qamtamasyz etýimiz kerek», - deıdi Nur-Sultan qalasy ákiminiń orynbasary Bahqııar Máken.
Ol «S» jospary oryn alǵan jaǵdaıda elordadaǵy Ramada Plaza qonaq úıi koronavırýs juqtyrǵan adamdar úshin aýrýhanaǵa qajetti qurylǵylarmen jabdyqtalady.
«Búgin ákimdikte naýqastar jatatyn qosymsha tósek-orynmen qamtamasyz etý sharalary qabyldandy. Qazirgi ýaqytta Ramada Plaza qonaq úıin naýqastardy qabyldap, karantın rejimin saqtaý úshin daıyndap jatyrmyz. Nysan jaqyn arada daıyn bolady. Basqa da nysandar «S» jospary aıasynda júzege asatyn jumystarǵa daıyn. Olarmen de kelissózder júrgizilip jatyr», - deıdi ol.
