Elordadaǵy kolledj túlekteri dıplom jumysyn onlaın rejımde qorǵaıdy
NUR-SULTAN. QazAqparat – Osy jyly Nur-Sultandaǵy kolledj túlekteri dıplom jumysyn onlaın rejımde qorǵaıtyn boldy. Bul jaıly tolyǵyraq Nur-Sultan qalalyq bilim basqarmasynyń basshysy Sholpan Qadyrova aıtyp berdi, dep habarlaıdy QazAqparat tilshisi.
«Aralyq jáne qorytyndy attestattaý, dıplomdyq jumystardy (jobalardy) qorǵaý –
tehnıkalyq jáne kásiptik bilim berýdiń memlekettik jalpyǵa mindetti standarttary negizinde ázirlengen bilim berý uıymynyń oqý jumys josparyna sáıkes júzege asyrylady», - dedi Sholpan Qadyrova baspasóz máslıhatynda.
Onyń aıtýynsha emtıhan suraqtaryn bilim berý uıymy aldyn ala ázirlep, jalpyǵa qol jetimdi bolý úshin qashyqtyqtan oqytý portalynda ornalastyrylady. Dıplomdyq jumysty (jobany) qorǵaý bilim berý uıymy ázirlegen kestege sáıkes merzimde ótkiziledi.
«Memlekettik emtıhandy qabyldaý jáne bilim alýshylardyń dıplomdyq jumysyn (jobasyn) qorǵaý onlaın-proktorıng tehnologııasyn qoldana otyryp, onlaın rejımde qarastyrylady. Olar bilim alýshyny verıfıkatsııalaýǵa, ekrandy jáne ondaǵy bilim alýshynynyń is-áreketin qadaǵalaýǵa, sondaı-aq barlyq emtıhandy beıne jazbaǵa jazýǵa múmkindik beredi», - dedi ol.
