Elordadaǵy kólik qozǵalysy 649 syrttaı qadaǵalaý kamerasymen baqylanady
ASTANA. 8 qańtar. QazAqparat - Astana - halqy da, soǵan sáıkes avtokólik nópiri de jyldan-jylǵa qarqyndy damyp kele jatqan qala.
Retteýshiler jumysy qala kóshelerindegi kólik qozǵalysy kóp jerlerdegi keptelisterdi azaıtýǵa múmkindik beredi.
«Qarbalas» saǵattarda kóshe qıylystarynda ornalasqan baǵdarshamdardyń kólik quraldary nópiriniń legin jaı kezdegideı rettep otyrýǵa árkez tolyq múmkindigi bolmaıdy. «Elordadaǵy kólik qozǵalysyn Astana qalasynyń ІІD Shuǵyl basqarý ortalyǵy (ShBO) 649 syrttaı qadaǵalaý kamerasy kómegimen táýlik boıy baqylap otyrady», - dep jazady elordanyń resmı saıty.
Kólik quraldarynyń iri keptelisi oryn alǵan jaǵdaıda, ShBO nusqaýy boıynsha jáne tikeleı úılestirýimen jol polıtsııasy ınspektorlary kóshe qıylystaryndaǵy kólik qozǵalysyn qolmen retteıdi. Sonymen qatar tek bir kóshe qıylysymen shektelmeı, qalanyń kóshe-jol júıesiniń jaǵdaıy tolyqtaı eskeriledi.
