Elordadaǵy kólik apaty: Jedel járdem 4 mınýtta jetken
NUR-SULTAN. QazAqparat - Jeksenbi kúni Nur-Sultan qalasyndaǵy «Gúljan» saýda úıiniń mańynda 2 jeńil kólik soǵylyp, bir áıel til tartpaı ketken, dep habarlaıdy QazAqparat tilshisi.
19 mamyr kúngi apattan barlyǵy 6 adam zardap shekken. Sonyń ishinde 1967 jylǵy áıel adam oqıǵa ornynda qaıtys bolǵan. Nur-Sultan qalasynyń densaýlyq saqtaý basqarmasynyń bas mamany Jeleýhan Pirimqulovtyń aıtýynsha, jedel járdem jetkende marqum qaıtys bolyp ketken. Al qalǵan bes adamnyń barlyǵy №1 qalalyq aýrýhanaǵa jetkizilgen. Bárine sol jerde alǵashqy kómek kórsetilip, ambýlatorııalyq emge jiberilgen.
«Qaıtys bolǵan áıeldiń jaraqaty óte aýyr bolǵan. Ókinishke oraı, dárigerler jetkenshe qaıtyp ketken. Jedel járdem oqıǵa ornyna 4 mınýttyń ishinde jetken. Qala boıynsha 14 shaǵyn qosalqy stansamyz bar. Sonyń biri osy saýda ortalyǵyna jaqyn jerde ornalasqan. Habar túskende brıgada sol stansadan shyqty», - deıdi basqarma ókili.
